Заседание Рабочей группы
2022 ж. 28 ақпан күні Мәртөк ауданының Қоғамдық кеңесін қалыптастыру жөніндегі Жұмыс тобының қорытынды отырысы өтті. Бұған дейін 2 ақпан мен 15 ақпан аралығында Қоғамдық кеңес мүшелігіне конкурсқа қатысу үшін кандидаттардан құжаттар қабылданған болатын. Осылайша, жұмыс тобына 15 кандидаттан, оның ішінде 4 – қоғамдық бірлестік пен 11 – азаматтан өтініштер келіп түсті. Қоғамдық кеңес мүшелігіне кандидаттарды іріктеу ашық дауыс беру арқылы жүргізіліп, жұмыс тобының көпшілік дауысымен түпкілікті шешім қабылданды. Дауыс беру қорытындысы бойынша Мәртөк аудандық қоғамдық кеңесінің құрамына 10 адам сайланды, қалған кандидаттар резервтік тізімге енгізілді.
